മദദേ മീലാദ്...

 മീലാദ്,  ലോകമെമ്പാടുമുള്ള മുസ്‌ലിംകൾ ആഘോഷിക്കുന്ന സുപ്രധാനവും സന്തോഷകരവുമായ ഒരു ദിനമാണ് മീലാദ്ശരീഫ്.

പ്രവാചകൻ തിരുമേനിയുടെ, മുഹമ്മദ്‌ (സ. വ) ജന്മദിനമാണ് മുസ്ലിം സമൂഹം റബീഹ് 12, നു മീലാദ്ശരീഫ് ആയി ആഘോഷിക്കുന്നത്. വിശ്വാസികൾക്ക് അദ്ദേഹത്തോടുള്ള സ്‌നേഹവും ആദരവും പ്രകടിപ്പിക്കാനുള്ള അവസരമായി വർത്തിക്കുന്നു. മീലാദ് ആചരിക്കുന്ന രീതി സംസ്കാരങ്ങളിലും പ്രദേശങ്ങളിലും വ്യത്യാസപ്പെട്ടിരിക്കാമെങ്കിലും, ഐക്യത്തിന്റെയും ഭക്തിയുടെയും കാതലായ സന്ദേശം ഒന്നുതന്നെയാണ്.

 മനുഷ്യരാശിയെ നയിക്കാൻ ദൈവം അയച്ച അവസാനത്തെ പ്രവാചകനായി മുസ്ലീങ്ങൾ മുഹമ്മദ് നബിയെ കാണുന്നു. മീലാദ് വിശ്വാസികൾക്ക് അദ്ദേഹത്തിന്റെ പ്രബോധനങ്ങളോടും മനുഷ്യരാശിയോടുള്ള കാരുണ്യത്തിന്റെയും, അദ്ദേഹത്തിന്റെ മാതൃകാപരമായ സ്വഭാവത്തോടുമുള്ള സ്നേഹവും നന്ദിയും പ്രകടിപ്പിക്കാനുള്ള സമയമാണ്.

ജീവകാരുണ്യ പ്രവർത്തനങ്ങൾ, അന്നദാനം, വിദ്യാർത്ഥികളുടെ സർഗാത്മക കഴിവുകളെ ഉണർത്തൽ, സാഹോദര്യ സ്നേഹം, തുടങ്ങി പ്രാദേശിക അടിസ്ഥാനത്തിൽ വ്യത്യസ്ത രീതികളിലാണ് മീലാദ് കൊണ്ടാടുന്നത്.

  സാഹോദര്യത്തിന്റെ വ്യത്യസ്ത മുഖങ്ങൾ, മനുഷ്യ നന്മയുടെ ചില വേറിട്ട കാഴ്ചകൾ തുടങ്ങി മനുഷ്യത്വത്തിന് പല കാഴ്ചകൾ നമുക്ക് കാണാൻ വേണ്ടി സാധിക്കും.

  പ്രാദേശികമായി നടക്കുന്ന ഇത്തരം ആചാരങ്ങൾ ഈ മാറി വരുന്ന പുതിയ കാലഘട്ടത്തിൽ മനുഷ്യത്വത്തിന്  പ്രതീക്ഷകൾ നൽകുന്ന ഒന്നാണ്.

 "അയൽക്കാരൻ പട്ടിണി കിടക്കുമ്പോൾ വയറു നിറച്ചു ഉണ്ണുന്നവൻ നമ്മിൽ പെട്ടവനല്ല" - തിരുനെബി 

നബിദിന ഘോഷയാത്രയിലെ ചില മനോഹര രംഗങ്ങൾ പങ്കിടുന്നു

 

ദൈവത്തിന്റെ സ്വന്തം നാട്, ഈ സൗഹാർദ്ധം എന്നുമുണ്ടാകട്ടെ. വർഗീയ ചിന്തകൾ നശിക്കട്ടെ.. 

Suhaib. P, Asst. Professor of Commerce, Al Shifa College of Arts & Science, Kizhattoor, Perinthalmanna