ഒളിഞ്ഞു നോട്ടം : ഒരു സാമൂഹിക അവസ്ഥ

മറ്റുള്ളവരുടെ ജീവിതത്തെക്കുറിച്ച് അറിയാനുള്ള ആഗ്രഹം മനുഷ്യന്റെ സ്വഭാവത്തിൽ അടങ്ങിയതാണെന്നു കരുതാം. എന്നാൽ, ഈ സ്വാഭാവിക മനോഭാവം ഒരുദിവസം അവരവരുടെ സ്വകാര്യതയ്ക്ക് ഭീഷണിയായി മാറുന്ന പ്രവണതയാണ് ഇക്കാലത്ത് നമ്മളിൽ ചിലരിൽ കണ്ടുവരുന്നത്. മറ്റുള്ളവരുടെ ജീവിതത്തിലേക്ക് കടന്നു നോക്കാനുള്ള ഈ സ്വഭാവം, പലപ്പോഴും അനാവശ്യ ഇടപെടലുകളിലും, തർക്കങ്ങളിലേക്കുമാണ് നയിക്കുന്നത്.

സാമൂഹ്യജീവികളായ നമ്മൾ പരസ്പര സഹായത്തിനും ആശ്രയത്തിനും ഒരുപോലെ തന്നെ ശ്രമിക്കേണ്ടവരാണ്. എന്നാൽ, സഹായത്തിന്റെ രൂപത്തിലുള്ള ഈ ഇടപെടൽ പലപ്പോഴും അതിരു കടക്കുമ്പോൾ അത് “ഒളിഞ്ഞു നോക്കൽ” എന്ന പ്രശ്നമായി മാറുന്നു. അയൽവീട്ടിലെ ചെറിയ സംഭവങ്ങൾ മുതലായവ ചർച്ചചെയ്യാനും അതിനെ കുറിച്ച് വിചാരിക്കുകയും ചെയ്യുന്ന പ്രവണത വ്യക്തി സ്വാതന്ത്ര്യത്തെ മാത്രമല്ല, അവരവരുടെ മാനസിക സമാധാനത്തെയും ബാധിക്കും.

ഒളിഞ്ഞു നോട്ടം ഒരാളുടെ സ്വാഭാവിക ചലനമോ ലഘുഭാവമോ ആയിരിക്കാം തുടക്കം. എന്നാല്‍, ഇത് പതുക്കെ മറ്റുള്ളവരുടെ ജീവിതത്തെ നിയന്ത്രിക്കാൻ ശ്രമിക്കുന്ന ഒരു പ്രവണതയായി വളരുന്ന അവസ്ഥയാണ് ആശങ്കാജനകം. "അവർ എവിടേക്കാണ് പോവുന്നത് ? " , “അവർ എന്താണ് കഴിക്കുന്നത് ?” എന്നൊക്കെ ചിന്തിക്കുന്നത് പരസ്പര വിശ്വാസത്തിനും സൗഹൃദത്തിനും ദോഷം ചെയ്യും. അതിലേറെ, ഇതിന് ധാരാളം സാമൂഹിക പ്രശ്നങ്ങൾക്കും വഴിയൊരുക്കാൻ കഴിയും.

അതിരുകൾ മനസ്സിലാക്കുന്നതും അവ പാലിക്കുന്നതും വ്യക്തിയുടെയും സമൂഹത്തിന്റെയും കടമയാണ്. എല്ലാവർക്കും സ്വന്തം ജീവിതം നയിക്കാനുള്ള സ്വാതന്ത്ര്യം അവകാശമായാണ് നൽകപ്പെട്ടിരിക്കുന്നത്. മറ്റുള്ളവരുടെ ജീവിതത്തിൽ ഒരു പരിധി വരെ മാത്രമേ നമുക്ക് ഇടപെടാനാകൂ. അതിരു കടന്നാൽ അത് അവരെ മാനസികമായി വേദനിപ്പിക്കുകയോ തെറ്റിദ്ധാരണകൾ സൃഷ്ടിക്കുകയോ ചെയ്യും.

 ഇതൊരു ദുർബലമായ പ്രവണതയാണ്, അതിനാൽ അതിനെ മാറ്റിനിർത്തുകയും മൂല്യങ്ങൾ കണ്ടെത്തുകയും ചെയ്യുക അത്യാവശ്യമാണ്. ഇതോടെ, വ്യക്തികളും സമൂഹവും പരസ്പരം മനസ്സിലാക്കുകയും ബന്ധങ്ങൾ നിലനിർത്തുകയും ചെയ്യും. “ജീവനുള്ളവർ സ്വതന്ത്രരായി ജീവിക്കട്ടെ, ആശയമുള്ളവർ അയൽക്കാരുടെ വ്യക്തിത്വത്തെ ആദരിക്കട്ടെ”

Farhan. V. M, Head, Dept. of Computer Science, Al Shifa College of Arts and Science, Kizhattoor, Perinthalmanna