മടങ്ങി വരവുകൾ 


ജീവിതത്തിലേക്കുള്ള, അവനവനിലേക്കുള്ള മടങ്ങി വരവുകൾ വളരെ ഭംഗിയാർന്നതാണ്. എല്ലാം നഷ്ടപ്പെട്ടു, കയ് വിട്ട് പോയി ആരും ഒപ്പമില്ല ജീവിതമേ തകർന്നതാണ് എന്നൊരു തോന്നലിൽ നിന്നും ജീവിതത്തിലേക്ക് തിരിച്ചു വന്ന് അത് ആസ്വദിക്കാൻ കഴിയുക എന്നുള്ളത്  മനോഹരമാണ്.ഓരോ മനുഷ്യന്റെയും തിരിച്ച് വരവിന് ഓരോ കാരണങ്ങൾ ആവാം ചിലപ്പോൾ ഏതെങ്കിലും വ്യക്തികൾ, സന്ദർഭങ്ങൾ അങ്ങനെ.. അങ്ങനെ...

പെരുമ്പടവം ശ്രീധരന്റെ "ഒരു സങ്കീർത്തനം പോലെ " യിൽ ജീവിതമേ തകർന്ന് യന്ത്രികമായി ജീവിക്കുന്ന ദസ്തയെവ്സ്കിയെ തിരിച്ച് ജീവിതത്തിന്റെ സൗന്ദര്യം അനുഭവിപ്പിക്കുന്നത് അന്നയാണ്. മനുഷ്യനും മനുഷ്യ മനസ്സും അത്രമേൽ സങ്കീർണമാണ് അതിനാൽ ആണല്ലോ പലർക്കും ഈ മടങ്ങി വരവുകൾ സാധ്യമാകാത്തത്, കൃത്യമായി പറഞ്ഞാൽ ഈ റെസിലിയൻസ് ( Reselience) വ്യത്യാസപ്പെടുന്നത്.

ജീവിതത്തിൽ ഏറ്റവും വേണമെന്ന് തോന്നിയത് ഈ റെസിലിയൻസ് ആണ്. ഒരു മനുഷ്യൻ തന്റെ ജീവിതത്തിലെ എപ്പോഴാണ് ആത്മഹത്യ ചെയ്യുന്നത്? എപ്പോഴാണ് ജീവിതം മടുക്കുന്നത്..? ജീവിതം അവസാനിപ്പിക്കുന്നവർ എല്ലാം ഭീരുക്കൾ ആണെന്ന് പറയുന്നതും എഴുതുന്നതും പലപ്പോഴും കണ്ടിട്ടുണ്ട് എന്നാൽ തിരിച്ചു വരാൻ കഴിയാതെ ഉള്ള ഒരു അവസ്ഥ എന്നത് ഭീകരമാണ്. പലരും ജീവിതത്തിൽ അവരവരെ തന്നെ തിരയുന്നവരാണ്, "പഴയ എന്നെ എനിക്ക് തിരിച്ചു വേണം" എന്ന് ആഗ്രഹിക്കുന്ന ആളുകൾ "എനിക്ക് പഴയ എന്നെ നഷ്ടമായി" എന്ന് നിരാശപ്പെടുന്നവർ അങ്ങനെ അങ്ങനെ എണ്ണിയാൽ തീരാത്ത ചിന്തകളുമായാണ് മനുഷ്യർ ജീവിക്കുന്നത്.

"അയാളും ഞാനും തമ്മിൽ " എന്ന സിനിമയിലെ ഡോ. രവി തരകനും തന്റെ കെട്ട് പൊട്ടിയ ജീവിതത്തിൽ നിന്ന് മടങ്ങി വന്ന് ജീവിതം ആസ്വദിക്കുന്ന ആളാണ്. " കുമ്പളങ്ങി നൈറ്റ്സ്" സിനിമയിൽ ബോബി എന്ന കഥാപാത്രം ചോദിക്കുന്ന ഒരു ചോദ്യം ഉണ്ട് "ടോ... സജി. ജീവിക്കണ്ടേ...."അതെ ജീവിതത്തിന്റെ മൂല്യം മനസിലാക്കുകയെന്നത് വലിയ കാര്യമാണ്,എം. ടി യുടെ തിരക്കഥയായ "സുകൃതം" എന്ന സിനിമയിൽ വലിയ രോഗവസ്ഥയോട് മല്ലിട്ട് ഒരിക്കൽ ജീവിതമേ അവസാനിച്ചെന്നു കരുതിയ നിമിഷത്തിൽ നിന്ന് പിന്നീട് ജീവിതത്തിലേക്ക് മടങ്ങി വന്നിട്ടും ജീവിക്കാൻ കഴിയാതെ ഒറ്റപ്പെട്ട് അകന്ന് പോകുന്ന കഥാപാത്രത്തെ നമുക്ക് കാണാൻ കഴിയും. ടി. പത്മനാഭന്റെ "പ്രകാശം പരത്തുന്ന പെൺകുട്ടി" എന്ന കൃതിയിൽ പല തവണ ജീവിതം അവസാനിപ്പിക്കാൻ പോകുന്ന ഒരാൾ, ഒരു പെൺകുട്ടിയുടെ ജീവിതത്തോടുള്ള സമീപനം കണ്ട് ആത്മഹത്യ ചെയ്യാതെ തിരിച്ച് വരുന്നു. അതെ ജീവിതം പലർക്കും പലതാണ്. ജീവിതം ആസ്വദിക്കുന്നവർ, ജീവിതത്തിൽ നിസ്സഹായരായവർ, നിരന്തരം സ്വയം നഷ്ടപെടുത്തിയെന്ന് ആശങ്കപ്പെടുന്നവർ, ഇടവേളകളില്ലാതെ പഴയ നമ്മളെ തന്നെ തിരയുന്നവർ...

ജീവിതത്തിലേക്കുള്ള തിരിച്ചു വരവുകൾ മനോഹരമാണ്  

 വരും.....

വരാതിരിക്കില്ല.....





Azad. P
Assistant Professor of Psychology
Al Shifa College of Arts and Science, Keezhattur, Perinthalmanna.

Comments

Post a Comment

Popular posts from this blog

ഇനി എത്ര ദൂരം

 ഞങ്ങൾ കൂട്ടുകുടുംബം ആയിട്ടാണ്  ജീവിച്ചിരുന്നത്. ഇടക്കെപ്പോഴോ ചിലർ ഇറങ്ങിപ്പോയിരുന്നു. പോയവരാരും പിന്നീട് തിരിച്ചുവന്നില്ല. എല്ലാവരുടെയും മുഖത്ത് ഒരുപോലെ സന്തോഷവും സങ്കടവും കാണാമായിരുന്നു. എല്ലാവരെയും കൂട്ടിക്കൊണ്ടുപോകാൻ ആരൊക്കെയോ വരുമായിരുന്നു. ഞാൻ കേട്ട മുത്തശ്ശിക്കഥകൾ സത്യമായി പുലർന്നിരിക്കുന്നു. ഒരിക്കൽ ഞാനും ഇറങ്ങേണ്ടി വരും എന്ന് എന്നെ കൂട്ടാനും ആളു വരും എന്ന്. കുറച്ചു നേരത്തേക്കെങ്കിലും  എന്നെ പൊന്നുപോലെ നോക്കും എന്ന്. എങ്കിലും എനിക്ക് ആശങ്കയില്ലാതില്ല ! പോയവർ ആരും ഇതുവരെ തിരിച്ചു വന്നില്ല. പിന്നീട് ഉറക്കമില്ലാ രാത്രികൾ ആയി  ഉറക്കത്തിൽ എങ്ങാനും പിടിച്ചു കൊണ്ടു പോയാലോ... നിലാവുള്ള ഒരു രാത്രിയിൽ ഒരു കാൽപെരുമാറ്റം ആരൊക്കെയോ എന്നെ തിരയുന്നു. തലമുതിർന്ന ആരോ ചൊല്ലി:  "ഇന്ന് നിന്നെ കൂട്ടാൻ ആളു വരും ". ഞാൻ ഇല്ലെന്ന് ഉറക്കെ നിലവിളി ചെങ്കിലും ആരും ചെവിക്കൊണ്ടില്ല. അവസാനം....  സുഗന്ധപൂരിതമായ കൈകളിൽ ഞാൻ എത്തപ്പെട്ടു. അയാളുടെ തലോടൽ ഞാൻ അനുഭവിച്ചു. പലതും ചോദിക്കാൻ ഉണ്ടായിരുന്നെങ്കിലും  ഒന്നിനും സാധിച്ചില്ല. എങ്കിലും കൂടെ പോയി. കാലം കടന്നു പോയി അയാൾ ഉറക്കത്തിലേ...
Read more

From Doubts to Dreams: Redefining Marriage in My Own Way

 Marriage is something many of us look forward to, but for some, it stirs up fear and anxiety. When I started inviting people to my wedding, I expected smiles, congratulations, and warm wishes. Instead, I was met with comments like, “Are you sure you’re ready for this?” or “Marriage is a trap—you’ll lose your freedom.” It felt as if I was announcing the end of my life rather than the beginning of a new chapter. These reactions, I realized, stemmed from people’s fears—fear of responsibility, compromise, and change, often shaped by societal narratives that paint marriage as a burden or their own difficult experiences. At first, these words hurt, but I soon understood that their negativity reflected their insecurities, not mine. Marriage isn’t the same for everyone; it’s a journey shaped by the people involved, their values, and their love. I chose to focus on the positives—on marrying someone who shares my dreams and values, on the growth and partnership we will build together, and o...
Read more

എന്നോട് തന്നെ ബോധ്യപ്പെടുത്തുന്നത്

  ഒരു ദിവസം തൊട്ടടുത്ത വീട്ടിലെ കുട്ടിയെ കാണാനില്ല. വീട്ടിൽ നിന്നും സ്കൂളിലേക്ക് പുറപ്പെട്ടുവെങ്കിലും അവിടെ എത്തിയിട്ടില്ല. വല്ലാത്തൊരു അവസ്ഥയിലായിപ്പോയി അന്ന് ഞങ്ങളെല്ലാരും.. എന്തൊരു ഭീകരതയാണ് അത്തരം നിമിഷങ്ങൾക്ക്.. അനുഭവിച്ചിട്ടുള്ളവർക്ക് ശരിക്കും മനസ്സിലാകും. അവന്റെ ക്ലാസിൽ തന്നെയുള്ള അവന്റെ ഉപ്പാന്റെ പെങ്ങളുടെ കുട്ടിയാണ്    അവൻ വീട്ടിൽ നിന്നും സ്കൂളിലേക്ക് അവളോടൊപ്പം വന്നിട്ടുണ്ട് എന്നും ഇപ്പൊ കാണുന്നില്ല എന്നും അധ്യാപകരോട് പറഞ്ഞത്.റാക്കറ്റുകളുടെ കൂടി കാലമാണ്. അധ്യാപകരും, വീട്ടുകാരും    ഞങ്ങൾ അയൽവാസികളും    എല്ലാവരും മുൾമുനയിലായിരുന്നു.. അടുത്തുള്ള കിണറുകൾ ഒക്കെ നോക്കുന്നു. സ്കൂളിന് അടുത്തുള്ള കടകളിലും, ഓട്ടോക്കാരോടും ഒക്കെ അന്വേഷിക്കുന്നു.. ആകെ ബഹളവും, ടെൻഷനും.. എന്തായാലും ഒരു ഉച്ചസമയം ആയപ്പോഴേക്കും അവനെ കണ്ടെത്തി .. അത്രയും സമയം അവൻ ഒരിടത്ത് ഒളിച്ചിരുന്നതാണ്. ആരും അവന്റെ മുമ്പിൽ യാതൊരു സീനും ഉണ്ടാക്കിയില്ല. അധ്യാപകരും ഉണ്ടാക്കിയില്ല. അക്കാര്യത്തിൽ അധ്യാപകർക്ക് നല്ല ധാരണ ഉണ്ടായിരുന്നു എന്നത് ഞാൻ പ്രത്യേകം ശ്രദ്ധിച്ചു.. നീ ഇനി ഇന്ന് സ്കൂളിൽ വരുന്നോ...
Read more