തൊഴിലധിഷ്ഠിത വിദ്യാഭ്യാസം

 

ദൈവം ഇന്ത്യയിൽ അവതരിക്കുകയാണെങ്കിൽ അത് അപ്പക്കഷണത്തിൻ്റെ രൂപത്തിലവണം എന്ന് ഗാന്ധിജി ഒരിക്കൽ പറയുകയുണ്ടായി.ഇത് തൊഴിലധിഷ്ഠിത വിദ്യാഭ്യാസത്തിൻ്റെ അവശ്യകഥയിലേക്കാണ് വിരൽ ചൂണ്ടുന്നത്. അദ്ദേഹത്തിൻ്റെ അഭിപ്രായത്തിൽ അക്ഷരജ്ഞാനം എന്നത് വിദ്യാഭ്യാസത്തിൻ്റെ ലക്ഷ്യമല്ല,ആരംഭവുമല്ല അത് വിദ്യാഭ്യാസം നേടാനുള്ള ഒരു മാർഗ്ഗo മാത്രമാണ്.ഗാന്ധിജി കൈത്തൊഴിൽ പരിശീലനതിനാണ് വിദ്യാഭ്യാസത്തിൽ മുൻതൂക്കം കൊടുത്തത്.

ഇന്ന് ഇന്ത്യൻ വിദ്യാർത്ഥി സമൂഹം വിദേശ രാജ്യങ്ങളിൽ പോയി ഉന്നത വിദ്യാഭ്യാസം നേടാൻ ശ്രമിക്കുകയും അവിടെത്തന്നെ താമസമാക്കുകയും ചെയ്യുന്നത് ഒരു സാമൂഹിക യാഥാർത്ഥ്യമായി മാറിയിരിക്കുന്നത്തിൻ്റെ പശ്ചാത്തലത്തിൽ വേണം തൊഴിലധിഷ്ഠിത വിദ്യാഭ്യാസത്തിൻ്റെ പ്രശസ്തിയെക്കുറിച്ച് ചർച്ച ചെയ്യേണ്ടത്.

ബ്രിട്ടീഷ് ഭരണകാലത്ത് ഗുമസ്ഥരെ സൃഷ്ടിക്കാൻ പര്യാപ്തമായ വിധത്തിൽ മെക്കാളെ പ്രഭു രൂപപ്പെടുത്തിയ വിദ്യാഭ്യാസരീതി തന്നെയാണ് ഇന്നും നാം ഇവിടെ പിൻതുടരുന്നത്. പഠനം കഴിഞ്ഞിറങ്ങുന്ന അഭ്യസ്ത വിദ്യർക്ക് കായികാധ്വാനം ആവശ്യമുള്ള തൊഴിലുകളോട് തികഞ്ഞ അവജ്ഞയാണ്,വെള്ളക്കോളർ ജോലിക്കായി അവർ നെട്ടോട്ടം ഓടുന്നു. സ്വന്തം നാട്ടിൽ വിദേശികളെ പോലെ ജീവിക്കുന്ന ഒരുപറ്റം ആളുകളെയാണ് ഇംഗ്ലീഷ് വിദ്യാഭ്യാസം സംഭാവന ചെയ്യുന്നത്.

അഭ്യസ്തവിദ്യരുടെ തൊഴിലില്ലായ്മയാണ് ഇന്ത്യ നേരിടുന്ന ഏറ്റവും വലിയ വെല്ലുവിളി, എന്നതുകൊണ്ടാണ് ഗാന്ധിജി കൈത്തൊഴിൽ പരിശീലനത്തെക്കുറിച്ച് പറഞ്ഞത്. ഓരോ വിദ്യാർത്ഥിക്കും വിദ്യാഭ്യാസച്ചെലവ് നിർവഹിക്കാനുള്ള പണം ഒരു തൊഴിലിലൂടെ സാധിക്കണം എന്നതാണ് അടിസ്ഥാന വിദ്യാഭ്യാസ പദ്ധതിയുടെ വീക്ഷണം. സൗജന്യ വിദ്യാഭ്യാസം അല്ല വേണ്ടത് എന്ന ഗാന്ധിയൻ വീക്ഷണം  ഇന്നും പ്രസക്തമാകുന്നു.

പ്രാഥമികതലത്തിൽ ഇംഗ്ലീഷ് പഠനത്തിന് പകരം തൊഴിൽ പരിശീലനം നൽകണമെന്ന് അടിസ്ഥാന വിദ്യാഭ്യാസ പദ്ധതി നിർദ്ദേശിക്കുന്നു. വിദ്യാർഥികളുടെ കഴിവുകൾ കണ്ടെത്താനും വളർത്താനും തൊഴിലിനോട് ബഹുമാനം ഉണ്ടാക്കാനും ഈ വിദ്യാഭ്യാസ രീതിക്ക് കഴിയും.

സ്വതന്ത്ര ഭാരതത്തിൽ രൂപം കൊണ്ട വിദ്യാഭ്യാസ കമ്മീഷനുകൾ എല്ലാം തൊഴിലധിഷ്ഠിത വിദ്യാഭ്യാസത്തിൻറെ പ്രാധാന്യം ഊന്നി പറഞ്ഞിട്ടുണ്ട്. ഇന്നത്തെ സാഹചര്യത്തിൽ കൈത്തൊഴിൽ പരിശീലനത്തിന് പുറമേ സാങ്കേതികവിദ്യാപരിശീലനവും അനിവാര്യമാണ് .വിദ്യാഭ്യാസം പൂർത്തിയാക്കുന്ന ഓരോ കുട്ടിക്കും സ്വതന്ത്രമായി ജീവിക്കാൻ ആവുന്ന വിധത്തിലുള്ള ഒരു തൊഴിൽ പരിശീലനം ലഭ്യമായിട്ടില്ലെങ്കിൽ ഇന്ത്യ തൊഴിൽരഹിതരെക്കൊണ്ട് നിറയുന്ന ഒരു കാലമാണ് വരാൻ പോകുന്നത്.

തൊഴിലില്ലായ്മ കേരളത്തിൻ്റെയോ ഇന്ത്യയുടെയോ മാത്രം പ്രശ്നമല്ല മറിച്ച് ഇതൊരു ആഗോള പ്രശ്നമാണ്. ബ്രിട്ടൻ അടക്കം പല രാജ്യങ്ങളും തൊഴിലില്ലായ്മ വേതനം നൽകിയാണ് പ്രശ്നപരിഹാരത്തിന് പരിഹാരം കാണാൻ ശ്രമിക്കുന്നത്, പക്ഷേ അവർക്ക് ജീവിക്കാൻ ആവശ്യമായ നല്ല ഒരു തുക തന്നെ നൽകാൻ കഴിയുന്നുണ്ട് . യന്ത്രവൽക്കരണത്തിൻ്റെ ഭാഗമായാണ് യൂറോപ്യൻ രാജ്യങ്ങളിൽ കൂടുതൽ തൊഴിലായ്മ ഉണ്ടായിട്ടുള്ളത്. ഇന്ത്യയിലെ സ്ഥിതി അതല്ല വിദേശരാജ്യങ്ങളെ തൊഴിലവസരം കുറയുക കൂടി ചെയ്തതോടെ രൂക്ഷമായ തൊഴിലില്ലായ്മയാണ്  ഇവിടെ അനുഭവപ്പെടുന്നത്.

തൊഴിലിനോട് ആഭിമുഖ്യം വളർത്തുന്ന നവീന പാഠ്യപദ്ധതിയിലൂടെ മാത്രമേ നമുക്ക് ഈ സാമൂഹ്യ പ്രശ്നത്തിന് പരിഹാരം കണ്ടെത്താൻ കഴിയുകയുള്ളൂ.

 

Dr. P.V Prasanth

Assistant Professor and Head

Department of Economics

Al Shifa College of Arts and Science, Keezhattur, Perinthalmanna

Comments

Post a Comment

Popular posts from this blog

From Doubts to Dreams: Redefining Marriage in My Own Way

 Marriage is something many of us look forward to, but for some, it stirs up fear and anxiety. When I started inviting people to my wedding, I expected smiles, congratulations, and warm wishes. Instead, I was met with comments like, “Are you sure you’re ready for this?” or “Marriage is a trap—you’ll lose your freedom.” It felt as if I was announcing the end of my life rather than the beginning of a new chapter. These reactions, I realized, stemmed from people’s fears—fear of responsibility, compromise, and change, often shaped by societal narratives that paint marriage as a burden or their own difficult experiences. At first, these words hurt, but I soon understood that their negativity reflected their insecurities, not mine. Marriage isn’t the same for everyone; it’s a journey shaped by the people involved, their values, and their love. I chose to focus on the positives—on marrying someone who shares my dreams and values, on the growth and partnership we will build together, and o...
Read more

ഇനി എത്ര ദൂരം

 ഞങ്ങൾ കൂട്ടുകുടുംബം ആയിട്ടാണ്  ജീവിച്ചിരുന്നത്. ഇടക്കെപ്പോഴോ ചിലർ ഇറങ്ങിപ്പോയിരുന്നു. പോയവരാരും പിന്നീട് തിരിച്ചുവന്നില്ല. എല്ലാവരുടെയും മുഖത്ത് ഒരുപോലെ സന്തോഷവും സങ്കടവും കാണാമായിരുന്നു. എല്ലാവരെയും കൂട്ടിക്കൊണ്ടുപോകാൻ ആരൊക്കെയോ വരുമായിരുന്നു. ഞാൻ കേട്ട മുത്തശ്ശിക്കഥകൾ സത്യമായി പുലർന്നിരിക്കുന്നു. ഒരിക്കൽ ഞാനും ഇറങ്ങേണ്ടി വരും എന്ന് എന്നെ കൂട്ടാനും ആളു വരും എന്ന്. കുറച്ചു നേരത്തേക്കെങ്കിലും  എന്നെ പൊന്നുപോലെ നോക്കും എന്ന്. എങ്കിലും എനിക്ക് ആശങ്കയില്ലാതില്ല ! പോയവർ ആരും ഇതുവരെ തിരിച്ചു വന്നില്ല. പിന്നീട് ഉറക്കമില്ലാ രാത്രികൾ ആയി  ഉറക്കത്തിൽ എങ്ങാനും പിടിച്ചു കൊണ്ടു പോയാലോ... നിലാവുള്ള ഒരു രാത്രിയിൽ ഒരു കാൽപെരുമാറ്റം ആരൊക്കെയോ എന്നെ തിരയുന്നു. തലമുതിർന്ന ആരോ ചൊല്ലി:  "ഇന്ന് നിന്നെ കൂട്ടാൻ ആളു വരും ". ഞാൻ ഇല്ലെന്ന് ഉറക്കെ നിലവിളി ചെങ്കിലും ആരും ചെവിക്കൊണ്ടില്ല. അവസാനം....  സുഗന്ധപൂരിതമായ കൈകളിൽ ഞാൻ എത്തപ്പെട്ടു. അയാളുടെ തലോടൽ ഞാൻ അനുഭവിച്ചു. പലതും ചോദിക്കാൻ ഉണ്ടായിരുന്നെങ്കിലും  ഒന്നിനും സാധിച്ചില്ല. എങ്കിലും കൂടെ പോയി. കാലം കടന്നു പോയി അയാൾ ഉറക്കത്തിലേ...
Read more

എന്നോട് തന്നെ ബോധ്യപ്പെടുത്തുന്നത്

  ഒരു ദിവസം തൊട്ടടുത്ത വീട്ടിലെ കുട്ടിയെ കാണാനില്ല. വീട്ടിൽ നിന്നും സ്കൂളിലേക്ക് പുറപ്പെട്ടുവെങ്കിലും അവിടെ എത്തിയിട്ടില്ല. വല്ലാത്തൊരു അവസ്ഥയിലായിപ്പോയി അന്ന് ഞങ്ങളെല്ലാരും.. എന്തൊരു ഭീകരതയാണ് അത്തരം നിമിഷങ്ങൾക്ക്.. അനുഭവിച്ചിട്ടുള്ളവർക്ക് ശരിക്കും മനസ്സിലാകും. അവന്റെ ക്ലാസിൽ തന്നെയുള്ള അവന്റെ ഉപ്പാന്റെ പെങ്ങളുടെ കുട്ടിയാണ്    അവൻ വീട്ടിൽ നിന്നും സ്കൂളിലേക്ക് അവളോടൊപ്പം വന്നിട്ടുണ്ട് എന്നും ഇപ്പൊ കാണുന്നില്ല എന്നും അധ്യാപകരോട് പറഞ്ഞത്.റാക്കറ്റുകളുടെ കൂടി കാലമാണ്. അധ്യാപകരും, വീട്ടുകാരും    ഞങ്ങൾ അയൽവാസികളും    എല്ലാവരും മുൾമുനയിലായിരുന്നു.. അടുത്തുള്ള കിണറുകൾ ഒക്കെ നോക്കുന്നു. സ്കൂളിന് അടുത്തുള്ള കടകളിലും, ഓട്ടോക്കാരോടും ഒക്കെ അന്വേഷിക്കുന്നു.. ആകെ ബഹളവും, ടെൻഷനും.. എന്തായാലും ഒരു ഉച്ചസമയം ആയപ്പോഴേക്കും അവനെ കണ്ടെത്തി .. അത്രയും സമയം അവൻ ഒരിടത്ത് ഒളിച്ചിരുന്നതാണ്. ആരും അവന്റെ മുമ്പിൽ യാതൊരു സീനും ഉണ്ടാക്കിയില്ല. അധ്യാപകരും ഉണ്ടാക്കിയില്ല. അക്കാര്യത്തിൽ അധ്യാപകർക്ക് നല്ല ധാരണ ഉണ്ടായിരുന്നു എന്നത് ഞാൻ പ്രത്യേകം ശ്രദ്ധിച്ചു.. നീ ഇനി ഇന്ന് സ്കൂളിൽ വരുന്നോ...
Read more